ಎಂದಿನಂತೆ ಅವರಿಬ್ಬರೂ ಆ ರಾತ್ರಿಯೂ ಕೂಡ ಅದೇ ಹೋಟೆಲ್ ನಲ್ಲಿ ,ಅದೇ ಜಾಗದಲ್ಲಿ ಕುಳಿತು ಊಟ ಮಾಡುತ್ತಿದ್ದರು .ಆದರೆ ಆತ ಮಾತ್ರ ತನ್ನ ಮನಸ್ಸಿನ ಆಸೆಯನ್ನು ಇವತ್ತು ಹೇಳಿಯೇ ತೀರಬೇಕೆಂದು ತೀರ್ಮಾನಿಸಿಬಿಟ್ಟಿದ್ದ .ತಕ್ಷಣವೇ ಮಂಡಿಯೂರಿ ,ತನ್ನ ಜೇಬಿನೊಳಗಿದ್ದ ಸಣ್ಣ ಡಬ್ಬಿಯಿಂದ ಉಂಗುರ ತೆಗದವನೇ "ನಾ ನಿನ್ನ ಪ್ರೀತಿಸುತ್ತೇನೆ,ನನ್ನ ಮದುವೆಯಾಗುತ್ತೀಯಾ ? "ಎಂದು ಕೇಳಿಯೇ ಬಿಟ್ಟ ."ಹೌದು ,ನಾನು ಕೂಡ ನಿನ್ನನು ಪ್ರೀತಿಸುತ್ತೇನೆ "ಎಂದು ಸಂತೋಷದಿಂದ ಎದುರಿಗಿದ್ದವನು ಒಪ್ಪಿಗೆ ನೀಡಿದ .
****************************************************************************************************
ಆ ರಾತ್ರಿ ಪಾರ್ಟಿ ಮುಗಿಯುವುದು ತಡವಾದ್ದರಿಂದ ,ಅವಳು ಒಬ್ಬಳೇ ಹೋಗುವುದು ಒಳಿತಲ್ಲ ಎಂದು ಕೊಂಡಳು .ಅದೇ ಪಾರ್ಟಿಗೆ ಬಂದಿದ್ದ ಗೆಳಯನೊಬ್ಬನಿಗೆ , ತನ್ನನ್ನು ಮನಗೆ ಬಿಡುವಂತೆ ಕೇಳಿಕೊಂಡಳು .ಆತ ಒಪ್ಪಿಕೊಂಡ .ಕೂಡಲೇ ಅವನ ಗಾಡಿ ಹತ್ತಿ ಇಬ್ಬರೂ ಅವಳ ಮನೆಗೆ ಹೊರಟರು .ಸ್ವಲ್ಪ ದೂರ ಚಲಿಸುತ್ತಿದ್ದಂತೆಯೇ ನಿರ್ಜನ ರಸ್ತೆಯಲ್ಲಿ ಗಾಡಿ ಸರಕ್ಕನೆ ನಿಂತು ಬಿಟ್ಟಿತು .ಆಕೆ ಏನಾಯ್ತು ಎಂದು ಕೇಳುವ ಹೊತ್ತಿಗೆ , ಆತನ ಕೈ ಅವಳ ಎದೆಯ ಮೇಲೆ ಇತ್ತು .
.***************************************************************************************************
ಇಬ್ಬರು ಚಿಕ್ಕ ವಯಸ್ಸಿನ ಪುಟಾಣಿ ಮಕ್ಕಳು ಒಬ್ಬರಿಗೊಬ್ಬರು ಹೊಡೆದಾಡಿ ಕೊಂಡು ,ಅವರವರ ಮನೆಗೆ ಅಳುತ್ತಾ ಹೋದರು .ಒಂದು ಮಗುವಿನ ಮನೆಯಲ್ಲಿ ,ಅದರ ತಾಯಿ ಅವನನ್ನು ಅಪ್ಪಿಕೊಂಡು ಮುದ್ದಾಡಿ ಸಮಾಧಾನ ಮಾಡಿ ಇನ್ನು ಮುಂದೆ ಹುಷಾರಾಗಿರುವುದಕ್ಕೆ ಹೇಳಿದಳು .ಇನ್ನೊಂದು ಮಗು ಮನೆಗೆ ಹೋಗಿ ನಡೆದಿದ್ದೆಲ್ಲಾ ಹೇಳುತ್ತಲೇ ಅದರ ತಂದೆ "ಯಾವ ಬೋಳಿಮಗನೋ ಹೊಡೆದಿದ್ದು ,ಕೈ ಕಾಲು ಮುರೀತೀನಿ " ಎಂದು ಕೂಗಾಡಿದನು .
******************************************************************************************************
ಆತ ಎಂದಿನಂತೆ ಆ ಮಧ್ಯಾಹ್ನ ಕೂಡ ತನ್ನ ಮನೆಗೆ ಹೊರಡುವ ಬಸ್ ಗಾಗಿ ಆ ಜಾಗದಲ್ಲಿ ಕಾಯುತ್ತಿದ್ದ .ಆಗ ಯಾವುದೋ ಭಿಕ್ಷು
ಸ್ವಲ್ಪ ದಿನಗಳ ನಂತರ ಆತ ಮತ್ತದೇ ಬಸ್ಗಾಗಿ ಅದೇ ಜಾಗದಲ್ಲಿ ಕಾಯುತ್ತಿದ್ದ .ಆದರೆ ಆ ಮಧ್ಯಾಹ್ನ ವಿಪರೀತ ಬಿಸಿಲು ಇದ್ದರಿಂದ ಅವನಿಗೆ ಬಾಯಾರಿಕೆ ಆಗಿ ಏನಾದರೂ ಕುಡಿಯಬೇಕು ಎನಿಸಿತು .ಆದರೆ ಬಸ್ ಟಿಕೆಟ್ ಗೆ ಬೇಕಾಗಿದ್ದ ದುಡ್ಡು ಮಾತ್ರ ಇದ್ದದರಿಂದ ತೆಪ್ಪಗೆನಿಂತಿದ್ದ .ಆಗ ಇವನ ಮುಂದೆ ಸ್ವಲ್ಪ ದಿನಗಳ ಹಿಂದೆ ಸಿಕ್ಕ ಅದೇ ಭಿಕ್ಷುಕ ಐಸ್ ಕ್ಯಾಂಡಿ ನೆಕ್ಕುತ್ತ ಹೊರಟ .
************************************************************************************
.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ