ಹುಟ್ಟು ಹಬ್ಬ

ಇದೀಗ ನಾ ಊದಿ ಆರಿಸಬೇಕಾದ
ನನ್ನ ವಯಸ್ಸಿನಷ್ಟು ಇರುವ
candleಗಳ ಸಂಖ್ಯೆ
ನಾ ಇಷ್ಟು ವರ್ಷ
ಏನನ್ನೂ  ಕಿತ್ತು ಹಾಕದ್ದನ್ನು
ನೋಡಿ ನಕ್ಕಂತಿದೆ .

ನನ್ನ ಸುತ್ತ ಒಂದಿಷ್ಟು ಜನ
ನನ್ನ ಹುಟ್ಟು ಹಬ್ಬ ಆಚರಿಸಲು ಬಂದಿದ್ದಾರೆ .
ಅದರಲ್ಲಿ ಕೆಲವರು ನನಗೆ ಗೊತ್ತು ,
ಹಲವರು ಗೊತ್ತೆಂದು ತಿಳಿದಿದ್ದೇನೆ.
ಇನ್ನು ಸ್ವಲ್ಪ ಜನ ನನಗೆ
ಯಾರಂದೇ ತಿಳಿದಿಲ್ಲ .
ಬಹುಶಃ ಕೊನೆಯಲ್ಲಿ cake ಸಿಗುತ್ತದೆ
ಎಂದು ಬಂದಿರಬೇಕು .
ಇನ್ನೂ ಬಂದ ಹಲವರಿಗೆ
ಇದು ಕೆಲಸದ ಮಧ್ಯೆ ಬ್ರೇಕ್ ಅಷ್ಟೇ.

ಅದೋ ಒಂದು ಮೂಲೆಯಲ್ಲಿ
ನನ್ನ ಆಫೀಸ್ H.R
ನನ್ನ ಹುಟ್ಟುಹಬ್ಬದ
ಆಚರಣೆಯ ಹೊರೆ ಹೊತ್ತಿದ್ದಾಳೆ.
ನನ್ನ ಮನೆಯವಳಂತೆ ಸಂಭ್ರಮಿಸುತ್ತಿದ್ದಾಳೆ.
ಮೊನ್ನೆ ನನ್ನ ಸಹೋದ್ಯೋಗಿ
ಹುಟ್ಟು ಹಬ್ಬಕ್ಕೂ ಇಷ್ಟೇ ಖುಷಿಯಾಗಿದ್ದಳು .
ಅವಳ ಸೌಂದರ್ಯಕ್ಕೆ ಕಾರಣವಾದ
ಮೇಕ್ ಅಪ್ ನ ಹಿಂದೆ ಯಾರಿಗೂ
ಕಾಣದ ನೋವೊಂದು ಅಡಗಿದೆ .
ಆಫೀಸ್ ನಲ್ಲಿರುವ ಎಲ್ಲರ
ಹುಟ್ಟು ಹಬ್ಬದ ದಿನ
ಸಂಭ್ರಮದಿಂದ ಆಚರಿಸಲೇಬೇಕು
ಅದೇ ಅವಳ ಕೆಲಸ ,
ಸ್ಮಶಾನದಲ್ಲಿ ಹೆಣ ಸುಡುವವನ ಹಾಗೆ .

ಎಲ್ಲರೂ ಹಾಡು ಹಾಡಿದರು
ಅದೇ ರಾಗ, ಅದೇ ತಾಳ
ಅಷ್ಟೇ ಕರ್ಕಶ , ಅಷ್ಟೇ ಕೃತಕ .
ಮೊನ್ನೆಯೂ ಇನ್ನೊಬ್ಬನಿಗೆ
ಇದನ್ನೇ ಹಾಡಿದ್ದರು ,
ನಾಳೆಯೂ ಇನ್ನೊಬ್ಬನಿಗೆ
ಇದನ್ನೇ ಹಾಡುತ್ತಾರೆ
ಒಳ್ಳೆಯ ಟೇಪ್ ರೆಕಾರ್ಡರ್ ತರ .
ಕೊಟ್ಟಿದ್ದ ಪ್ಲಾಸ್ಟಿಕ್ ಚಾಕುವಿನಲ್ಲಿ
cake ಕತ್ತರಿಸುವ ಶಾಸ್ತ್ರ ಮಾಡಬೇಕು ಅಷ್ಟೇ,
ಉಳಿದದ್ದನ್ನು ಅವರೇ ಕಟ್
ಮಾಡಿಕೊಳ್ಳುತ್ತಾರೆ ಬೇಕಾದ ಹಾಗೆ .

ಬಂದವರಲ್ಲಿ ಅನೇಕರು 

Cake ತಿನ್ನುವುದಕ್ಕಿಂತ
ನನ್ನ ಮುಖಕ್ಕೆ ಹಚ್ಚಿ ಖುಷಿ ಪಡುತ್ತಾ ,
Cake ತಿನ್ನುವವರು , ಹಚ್ಚುತ್ತಿರುವವರಿಗೆ ಬಯ್ಯುತ್ತಾ
ಡಯಟ್ ಅಂದು cake ತಿನ್ನದೇ ಹೋದರೂ ,
ಬಾಯಲ್ಲಿ ಇಟ್ಟುಕೊಂಡು ತಿನ್ನುವ
ಹಾಗೆ photo ತೆಗದುಕೊಳುತ್ತಾ ,
ನೆನ್ನೆ ಪರಿಚಯ ಆದ ಕೆಲವರು,
ಸೋಶಿಯಲ್ ಮೀಡಿಯಾ ದಲ್ಲಿ
ನನ್ನ ಗೆಳಯನ bday ಎಂದು post ಹಾಕುತ್ತಾ
ಇದ್ದ ಇಂತಹ ಜನಗಳ ನಡುವೆ
ನನ್ನ ನೋಟ ಮಾತ್ರ ಮೂಲೆಯಲ್ಲಿ
ಆಗಿಂದ mobile ನೊಳಗೆ ಮುಳುಗಿರುವ ,
ಯಾರದೋ ಒತ್ತಾಯಕ್ಕೆ ಬಂದಂತೆ
ಇರುವ ನನಗಿಷ್ಟದ ಹುಡುಗಿಯ ಮೇಲೆ .

ಸ್ವಲ್ಪ ಹೊತ್ತಿಗೆ Cake ಖಾಲಿ,
ಎಲ್ಲರೂ ಜಾಗ ಖಾಲಿ .
ಎಲ್ಲರೂ ನಗುವದನ್ನು ಮರೆತು
ಮತ್ತೆ ಜಟಕಾ ಬಂಡಿ ತಳ್ಳುವದರಲ್ಲಿ ಮಗ್ನ.
ನಾನು ಹೋಗಬೇಕಿದೆ ಅದಕ್ಕೆ ,
ಅದಕ್ಕೂ ಮುಂಚೆ ಬಾತ್ರೂಮ್ ನಲ್ಲಿ
ಒಬ್ಬನೇ ಮುಖಕ್ಕೆ ಹತ್ತಿದ
cake ನ ಜಿಡ್ಡು ತಿಕ್ಕಿ ತಿಕ್ಕಿ ತೊಳೆಯಬೇಕಿದೆ .

Note :It's a poem about birthday celebration at office. The author finds the
whole celebration is full of fake smiles and mechanic.
Please forgive if any mistakes.You can ping me and let me know my mistakes.