ಹೊಸ ವರ್ಷದ ಶುಭಾಷಯಗಳು

ಹಳೇ ವರ್ಷ ಮುಗಿದು ,ಹೊಸ ವರ್ಷ ಬರುವ ಸಂಭ್ರಮ.ಎಲ್ಲರೂ ಸಂಭ್ರಮದಲ್ಲಿ ಮುಳುಗಿ, ಹಳೇದನ್ನು ನೆನಪಿನ ಬುತ್ತಿಯಲ್ಲಿ ಗಟ್ತಿಕೊಂಡು ,ಹೊಸದನ್ನು ಕೈ ಬೀಸಿ ಕರೆಯುತ್ತಿದ್ದಾರೆ. ಕೆಲವರು ಅವರ ಹತ್ತಿರದವರ ಜೊತೆಗೂಡಿ ಕುಣಿದು ಕುಪ್ಪಳಿಸಿದರೆ,ಕೆಲವರು ಹತ್ತಿರದವರನ್ನು ಶುಭ ಹಾರೈಸುವಲ್ಲಿ ಕಳೆಯುತ್ತಿದ್ದಾರೆ. ಕೆಲವರು ಅವರ ಸಂಗಾತಿಯನ್ನು ಗಟ್ಟಿ ತಬ್ಬಿ ಕೊಂಡು ಕಳೆದರೆ,ಕೆಲವರು ಉಡುಗೊರೆ ಹಂಚಿಕೊಂಡು ಸಂಭ್ರಮಿಸುತ್ತಿರುತ್ತಾರೆ. ಆದರೆ ಪ್ರತೀ ವರ್ಷ, ಆ ಹೊತ್ತಿಗೆ ಒಂಟಿ ಪಿಶಾಚಿ ತರಹ ಒಂದೆರಡು ಘಂಟೆಗಳ ಕಾಲ ಒಬ್ಬನೇ ಎಲ್ಲರಿಂದ ದೂರ ಹೋಗಿ ಯೋಚಿಸುತ್ತಾ ಕೂರುತ್ತೇನೆ.ಯಾಕೆ ಎಲ್ಲರೂ ಇಷ್ಟೊಂದು ಸಂತೋಷದಿಂದ ಕುಣಿಯುತ್ತಿದ್ದಾರೆ? ಎಂದು.

ಯಾಕೆ ? ನಿಮಗೆ ತಲೆ ಇಲ್ಲವೇ ,ಇದ್ದರೂ ಅದರಲ್ಲಿ ಬುಧ್ಧಿ ಇಲ್ಲವೇ? ಅಲ್ಲಾ ಹೊಸ ವರ್ಷ ಬರೋ ಹೊತ್ತಿಗೆ ಯಾಕೆ ಎಲ್ಲರೂ ಸಂತೋಷದಿಂದ ಇದ್ದಾರೆ ಅಂತ ಕೇಳುತ್ತೀರಲ್ಲಾ ? ಅಂತ ನೀವು ನನಗೆ ಕೇಳಬಹುದು.ನನ್ನ ವಾದ ಕೇಳಿ. ದಿನಗಳು ಕಳೆಯುತ್ತಿದೆ. ಆಯುಷ್ಯ ಕಡಿಮೆಯಾಗುತ್ತಿದೆ.ನಿಜ ಅದಲ್ಲವಾ? ಅದಕ್ಕೆ ಯಾಕೆ ಈ ತರಹ ಕುಣಿಯಬೇಕು?ಬೇರೆಯವರದು ಗೊತ್ತಿಲ್ಲಾ.ನನ್ನದು ಅಂತೂ ಮೂರು ಇಂಚು ಮುಂದು ಹೋಗಿಲ್ಲದ, ಆರಕ್ಕೆ ಏರದ ಮೂರಕ್ಕೆ ಇಳಿಯದ ಕೆಲಸ.ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ನನ್ನ ನಿರಾಕರಿಸುವ ಹುಡುಗಿಯರ ಸಂಖ್ಯೆ. ಅದರ ದುಪ್ಪಟ್ಟು ವೇಗದಲ್ಲಿ ಉದುರುತ್ತಿರುವ ಕೂದಲುಗಳು.ಸತ್ತರೂ ಎರಡು ಇಂಚು ಉದ್ದ ಆಗದ ದೇಹ.ಕರಗದ ಹೊಟ್ಟೆ. ಆಕಾಶದೆತ್ತರದ ಕನಸುಗಳು ,ಅದನ್ನು ಏರಲಾಗದಂತೆ ಹಿಡಿದಿಟ್ಟಿರುವ ಭಯ. ಬೆನ್ನಿಗೇ ಅಂಟಿಕೊಂಡಿರುವ ದುರಾದೃಷ್ಟ. (ನಿಮಗೆ ಎಲ್ಲರಿಗೂ ಇವೆಲ್ಲಾ ಇರದಿದ್ದರೂ ,ಈ ತರಹದ ಎಂದೂ ಬದಲಾಗದ ಒಂದಲಾ ಒಂದು ಸಮಸ್ಯೆ ಇರಬಹುದು.) ಇಷ್ಟೆಲ್ಲಾ ಸಮಸ್ಯೆ ಇದ್ದರೂ,ಇತ್ತ ಸಮಯ ನಮಗೇ ಕಾಯದೇ ಮುನ್ನುಗುತ್ತಿದೆ.ದಿನದಿಂದ ದಿನೇ ನಾವು ಚಿಕ್ಕವರಾಗದೇ ದೊಡ್ಡವರಾಗಿತ್ತಿದ್ದೇವೆ. ಹೀಗಿರುವಾಗ ಈ ಹೊಸ ವರ್ಷ ಬಂದಾಗ ಖುಷಿಯಿಂದ ಯಾಕೆ ಆಚರಿಸಬೇಕು?ಹೀಗೆ ಯೋಚನೆ ಮಾಡುವ ನನಗೇ ಈ ಹೊಸ ವರ್ಷ ಆಚರಿಸುವ ಈ ಜನರ ಮನಸ್ಸೇ ಅರ್ಥ ಆಗುವುದಿಲ್ಲಾ.

ನಾನು ಒಬ್ಬನೇ ಯಾಕೆ ಹೀಗೆ ಯೋಚನೆ ಮಾಡುತ್ತಿದ್ದೇನೆ. ಬಹುಶಃ ನನಗೇ ಅರ್ಥ ಆಗದ,ನನಗೇ ತಿಳಿಯದ ಮರ್ಮ ಅವರಿಗೆಲ್ಲಾ ತಿಳಿದಿರಬೇಕು.ಏನದು ? ಹೀಗೆ ಹೊಸ ವರ್ಷದ ಸಂಭ್ರಾಮಚರಣೆಯಲ್ಲಿ ಹುಚ್ಚನಂತೆ ಕುಣಿಯುತ್ತಿದ್ದ ಗೆಳಯನೊಬ್ಬನ ಕೇಳಿದೆ "ಏನೋ ಈ ಪಾಟಿ ಖುಷಿಯಾಗಿದಿಯಾ?" .ಯಾಕಂದರೆ ಎರಡು ದಿನದ ಹಿಂದೆ ಅವನ ಹುಡುಗಿ ಕೈ ಕೊಟ್ಟಳು ಅಂತ ಅಳುತಿದ್ದ ಅವನು.ಅವನ ಕೆಲಸವೂ ಆಗಲೂ ಈಗಲೂ ಹೋಗುವಂತಿತ್ತು. ಜೀವನವೇ ಮುಗಿದು ಹೋಯಿತು ಅನ್ನುತ್ತಿದ್ದ ಅವನು ಇಂದು ಕುಣಿಯುತ್ತಿದ್ದ್ದ. ಅವನಿಗೆ ಕೇಳಿದೆ" ಏನಾಗಿದೆ ,ಏನು ಒಳ್ಳೆಯದು ಆಗಿದೆ ಅಂತ ಈ ತರಹ ಕುಣಿಯುತ್ತಾ ಇದಿಯಾ? ". ಅದಕ್ಕೆ ಆತ " ಲೋ , ಆಗಿ ಹೋಗಿದ್ದು ಬಿಟ್ಟು ಹಾಕೋ.ಈ ವರ್ಷ ಎಲ್ಲಾ ಒಳ್ಳೆಯದಾಗುತ್ತೆ,ನೋಡುತ್ತಾ ಇರು" ಅಂದ.

ಆಗ ನನಗೇ ಅರ್ಥ ಆಯಿತು. ಗುಟ್ಟು ತಿಳಿಯಿತು. ಎಲ್ಲರೂ ಈ ಸಲ ಒಳ್ಳೆಯಾದುಗುತ್ತೆ ಅನ್ನೋ ಆಶಾಭಾವನೆಯಿಂದ ಇಷ್ಟೊಂದು ಸಂತೋಷವಾಗಿದ್ದಾರೆ. ಅದೇ ಗುಟ್ಟು.ನಿಜ ಅಲ್ಲವಾ? ಹಳೆಯದೂ ಏನೇ ಆಗಿರಲಿ, ಈ ವರ್ಷ ಒಳ್ಳೆಯಾದುಗುತ್ತೆ ಅನ್ನೋ ಆಸೆಯಲ್ಲಿ ಬದುಕೋ ಖುಷಿಯಿದೆ.ನಾನು ಮಾರನೇ ದಿನ ಅದೇ ಆಸೆಯಲ್ಲಿ ಎದ್ದೆ.ಹಳೇ ಸ್ನೇಹಿತರು ವಿಶ್ ಮಾಡಿದರೂ,ಜಗಳ ವಾಡಿ ಕೊಂಡು ಮುನಿಸಿಕೊಂಡು ಇದ್ದ ಕೆಲವರು ಎಲ್ಲಾದನ್ನೂ ಮರೆತು ಕಾಲ್ ಮಾಡಿದ್ದರು.ನಾನು ವಿಶ್ ಮಾಡಿ ,ಅವರ ಕಡೆಯಿಂದ ಉತ್ತರ ನಿರೀಕ್ಷಿಸಿದ ಕೆಲವು ಗೆಳೆಯರು ಕೂಡ ಮಾಡಿದ್ದರು.ಕೆಲಸದಲ್ಲೂ ಏನೋ ಹೊಸ ಭರವಸೆ ಮೂಡುವ ಹಾಗೆ ಇದೆ. ಹೀಗೆ ಎನೋ ಈ ವರ್ಷ ಒಳ್ಳೆಯದಾಗುತ್ತದೆ ಅನ್ನುವ ಆಶಾಭಾವನೆಯಲ್ಲಿ ಹೊಸ ವರ್ಷಕ್ಕೆ ಕಾಲಿಡುತ್ತಿದ್ದೇನೆ.ನಿಮಗೂ ಒಳ್ಳೆಯದಾಗಲೀ.ಈ ಹೊಸ ವರ್ಷ ಸುಖ ,ಸಂತೋಷ ತರಲಿ. ಮತ್ತೆ ಸಿಗೋಣ.
English summary: The old year is ending,the new one is arriving.Everyone  is happy about the the new year arrival and everyone celebrating in their own way.And this is the time,when everyone celebrating ,I go somewhere alone ans stat thinking " Why everyone is so happy about new year arrival?".You guys may think I am crazy to ask question like this. You may say"After  all, it's new year arrival ,chill dude".That's not my point.As days going we are getting aged.I mean getting nearer to die.I dont know about others.In my life nothing is going right whether its job,personal life or any other.The dreams are at high but can't reach them due to some personal commitment.So, when nothing is going right ,why the hell I need to be happy for the new arrival of the year.I asked the same question to one of my friend who was celebrating the new year and who was literally high.The reason i asked him was just few days ago he was broken as his girl friend ditched him.Even he had serious problems in his professional life.He told " dude this year everything will be good.see".At that time I realised why the people celebrate new year.It's because of hope ,the hope that this year everything will be good.A hope that keeps them alive and happy.After realizing this truth ,even I woke up with the hope that everything will be right.Happy new year guys.God bless u all.