ನಾವು software engineers....aliens ಗಳಲ್ಲ.....

                 

                       ಇದರ ಬಗ್ಗೆ ಬರೆಯಬೇಕು ಅಂತಾ ತುಂಬಾ ದಿನದಿಂದ ಕಾಯುತ್ತಾ ಇದ್ದೆ .ಆದ್ರೆ ಈಗ ಕಾಲ ಕೂಡಿ ಬಂದಿದೆ .ಇದು ಹಾಸ್ಯ ಲೇಖನ ಅಂತೂ ಅಲ್ಲವೇ ಅಲ್ಲಾ. ಆದ್ದರಿಂದ ಇದನ್ನು ಓದಿ ನಗುವ ಪ್ಲಾನ್ ಹಾಕಿಕೊಂಡಿದ್ದರೆ ದಯವಿಟ್ಟು ಒದೋಕೆ ಹೋಗಬೇಡಿ. ಈ ಲೇಖನವನ್ನು ನನ್ನ ಸುತ್ತಮುತ್ತ ಜನರಲ್ಲಿ software engineers ಬಗ್ಗೆ ಇರುವ ತಪ್ಪು ಅಭಿಪ್ರಾಯಗಳನ್ನು ದಿನವೂ ನೋಡಿ ಸಹಿಸಲಾಗದೇ ಬರೆಯುತ್ತಿರುವ ಲೇಖನ ಇದು . ಆದ್ದರಿಂದ software ಅಲ್ಲದೇ ಇರೋರು , ಅದರಲ್ಲ್ಲೂ ಅವರನ್ನು ಅಣಿಕಿಸುವವರು ಓದಲೇಬೇಕಾದ ಲೇಖನ.ನಿಮಗೆ ಸ್ವಲ್ಪ ನಿಮ್ಮ ಮುಖಕ್ಕೆ ಉಗಿದ ಹಾಗೆ ಆಗಬಹುದು ಆದರು ಸ್ವಲ್ಪ ಸುಧಾರಿಸಿಕೊಂಡು ಓದಿ.ಇಲ್ಲಿ ಯಾರನ್ನು ಎತ್ತಿ ಕಟ್ಟುತ್ತಿಲ್ಲಾ ,ಯಾರನ್ನು ಹೀನಾಯವಾಗಿ ನೋಡುತ್ತಾ ಇಲ್ಲ.ವಾಸ್ತವಕ್ಕೆ ಕನ್ನಡಿ ಹಿಡಿಯುವ ಸಣ್ಣ ಪ್ರಯತ್ನ ಅಷ್ಟೇ .

                              Software engineers ಅಂದಕೂಡಲೇ ಮೆದುಳ ಸಹಾಯವು ಇಲ್ಲದೆ ಎಲ್ಲರ ನಾಲಿಗೆಯಲ್ಲಿ ಮೊದಲು ಬರುವುದು "ನಿಮ್ದೇನ್ ಬಿಡಿ ಸಾರ್,ಐಷರಾಮಿ ಜೀವನ , ಕೈ ತುಂಬಾ ಸಂಬಳ ಬರುತ್ತೆ.ಎಷ್ಟು ಬೇಕಾದ್ರೂ ಖರ್ಚು ಮಾಡ್ತೀರಾ?".ಇದು ಓಕೆ ಆದರೆ ಮುಂದೆ ಹೇಳುವ ಮಾತಿದೆಯಲ್ಲಾ ಅದು ನಮ್ಮ ಜೇಬಿಗೆ ಕತ್ತರಿ ಅದೇ"ನಿಮ್ಗೇನ್ ಕಮ್ಮಿ ,ಜಾಸ್ತೀನೇ ಕೊಡಿ ಸಾರ್?". ಇಲ್ಲಿ ಹೇಳಬೇಕಾಗಿರುವುದು ಮತ್ತೆ ಗಮನಿಸಬೇಕಾಗಿರುವುದು ತುಂಬಾ ಇದೆ.

      ಸಾಮನ್ಯವಾಗಿ ಈ ವೃತ್ತಿಯಲ್ಲಿ ಸಂಬಳ ಜಾಸ್ತಿಯೇ(ತೀರಾ ಜಾಸ್ತಿಯೆನಲ್ಲಾ ,ಈಗ ಇದಕ್ಕಿಂತ ಜಾಸ್ತಿ ದುಡಿಯುವವರು ಬೇರೆ ಕೆಲಸದಲ್ಲಿ ಎಲ್ಲೆಂದರಲ್ಲಿ ಸಿಗುತ್ತಾರೆ). ಆದರೂ ಜನ ಪ್ರಕಾರ software engineersಗೆ ಜಾಸ್ತಿ .ಇರಲಿ ಒಬ್ಬ ಚೆನ್ನಾಗಿ ದುಡೀತಾ ಇದ್ದಾನೆ ಅಂದ ಮೇಲೆ ಆತ ಒಳ್ಳೆಯ ಜೀವನ ನಡೆಸಿದರೆ ತಪ್ಪೇ?ಅಥವಾ ಹೇಳುವವರ ಕಣ್ಣು ಕುಕ್ಕಿದಾಗ ಬಂದ ಮಾತುಗಳಾ ಇವು?ಸ್ವಲ್ಪ ಶ್ರಮ ವಹಿಸಿದರೆ ಎಂಜಿನೀಯರ್ ಗಳು ಸಾಮನ್ಯವಾಗಿ ಬೇಗನೆ ಒಳ್ಳೆಯ ಸಂಪಾದನೆ ಮಾಡಬಹುದಾದ್ದರಿಂದ ಇದೀಗ ಗಲ್ಲಿಗೆ ನೂರರಂತೆ ಹುಟ್ಟಿಕೊಳ್ಳುತ್ತಿದ್ದಾರೆ. ಅದರಲ್ಲಿ ಸ್ವಲ್ಪ ನನ್ನಂತ ಆಕಾಶದಷ್ಟು ಆಸೆ ಹೊತ್ತ ಮಧ್ಯ್ಮಮ ವರ್ಗದ ಜನ ಜಾಸ್ತಿ.ಎನೋ ಸ್ವಲ್ಪ ಕೈಗೆ ಕಾಸು ಬಂದಾಗ ಮಜಾ ಮಾಡಿದ್ರೆ ತಪ್ಪೇ?...ಸಾರ್ ನಾವು ಕಷ್ಟಪಟ್ಟು ದುಡಿದ ದುಡ್ದೇ ಇದು.
               ಕಷ್ಟಪಟ್ಟು ದುಡಿದ ದುಡ್ಡು ಅಂದಾಗ ನೆನಪಾಯಿತು.ನಮ್ಮ ಸುತ್ತಮುತ್ತಲಿನಲ್ಲಿರುವ ಜನ ನಮಗೆ ಹೇಳುವ ಇನ್ನೊಂದು ಮಾತು"ನೀವು ಬಿಡಿ , ಏ ಸಿ ರೂಮ್ನಲ್ಲಿ ಕೂತುಕೊಂಡು ಕೆಲಸ ಮಾಡ್ತೀರಾ,ಆರಾಮ ಜೀವನ".ಹೋಗಲಿ ಬಿಡಿ ಅಂತ ಸುಮ್ಮನೆ ಇದ್ದರೆ ಆಗಲೇ ಇನ್ನೊಂದಿಷ್ಟು ಜನ "ತುಂಬಾ stress ಅಲ್ಲಾ ,ನಿಮ್ಮ ಕೆಲ್ಸದಲ್ಲಿ. ನೋಡ್ತಾ ಇರ್ತೀವಲ್ಲಾ ನ್ಯೂಸ್ ಅಲ್ಲಿ . ನಿಮ್ಮೋರು ಎಷ್ಟು ಜನ ಆತ್ಮಹತ್ಯೆ ಮಾಡಿಕೊಳ್ಳತ್ತಾರೆ ಅಂತ.ನಮಗೆ ಈ ಜೀವನ ಬೇಡಪ್ಪಾ".

                              ನಿಜ ಹೇಳಬೇಕಂದರೆ ಅಂದು ಕೊಂಡಷ್ಟು ಸುಲಭದ ಕೆಲಸ ಅಲ್ಲಾ.ನಾವು ನಾಲ್ಕು ಗೋಡೆಯ ಮೇಲೆ ಕೂತುಕೊಂಡು ,ಸಾವಿರಾರು ಲೈನ್ ಕೋಡ್ ಬರೆಯಬೇಕು.ಕೂತಲ್ಲೇ ಕೂತು ದೇಹ ಜಡಗಟ್ಟಿದಂತಾದರೂ ನಮ್ಮ ಮೆದುಳು ಅದರ ನೂರು ಪಟ್ಟು ಕೆಲಸ ಮಾಡುತ್ತಲಿರುತ್ತದೆ.ಕೆಲವೊಮ್ಮೆ ಶನಿವಾರ ಭಾನುವಾರ, ಹಗಲು ರಾತ್ರಿ ,ಮದುವೆ ಮುಂಜಿ,ಹಬ್ಬ ಹರಿದಿನ ಅಂತ ನಾವು ಕೆಲಸ ಮಾಡುತ್ತೇವೆ.ಇನ್ನೂ ನಮ್ಮ ಕೆಲಸದಲ್ಲಿ ಜಾಸ್ತಿ ಒತ್ತಡ ಇದೆ ಅನ್ನುವವರಿಗೆ ಒಂದು ಪ್ರಶ್ನೆ.ಯಾರದೇ ತಲೆ ಹೊಡೆಯದೇ ,ಕೈ ತುಂಬಾ ಸಂಬಳ ಬರುವ ಕೆಲಸ ತೋರಿಸಿ ನೋಡೋಣ.ಕೈ ತುಂಬಾ ಸಂಪಾದನೆ ಮಾಡುವವನಿರಲಿ,ಕೂಲಿ ಮಾಡುವವನಿರಲಿ ಎಲ್ಲರಿಗೂ ಅವರವರ ಕೆಲಸದಲ್ಲಿ ಅವರದೇ ಆದ ಸಮಸ್ಯೆಗಳು.ಒತ್ತಡಗಳು ಇರುತ್ತದೆ.ಇನ್ನೂ ಅತ್ಮಹತ್ಯೆ ವಿಷಯಕ್ಕೆ ಬಂದರೆ ರೈತನೂ ಆತ್ಮಹತ್ಯೆ ಮಾಡಿಕೊಳುತ್ತಾನೆ,ಕೂಲಿಕಾರನು ಆತ್ಮಹತ್ಯೆ ಮಾಡಿಕೊಳ್ಳುತ್ತಾನೆ, ವೈದ್ಯ ,ಸರ್ಕಾರಿ ನೌಕರನೂ ಮಾಡಿಕೊಳ್ಳುತ್ತಾನೆ. ಆದರೆ ಇದು software ಯುಗ ನೋಡಿ ಅದಕ್ಕೆ ನಮ್ಮ ಪ್ರಾಣಕ್ಕೆ ಬೆಲೆ ಜಾಸ್ತಿ.ಅಂದ ಹಾಗೆ Software engineer ವಿಷಯಕ್ಕೆ ಬಂದಾಗ ಅತ್ಮಹತ್ಯೆ ,ಒತ್ತಡ ಜೀವನವನ್ನು ಸಂಪೂರ್ಣವಾಗಿ ನಾನು ಅಲ್ಲಗೆಳೆಯುವುದಿಲ್ಲಾ.
                                     ಅದನ್ನೇ ಎತ್ತಿಕಟ್ಟಿ ಬೇರೆ ಎಲ್ಲೂ ಆಗುತ್ತಿಲ್ಲಾ ಎಂಬಂತೆ ಒಂದು ವೃತ್ತಿಗೆ ಕಳಂಕ ತರುವುದು ಎಷ್ಟು ಸರಿ ಎಂಬುವುದು ನನ್ನ ವಾದ. ಇನ್ನೊಂದು ವಿಷಯ .ಈ ಥರಹ ಹೇಳುವವರಲ್ಲಿ ಸಾಕಷ್ಟು ಜನರ ಹತ್ತಿರದವರು ಎಷ್ಟೇ ಪ್ರಯತ್ನ ಪಟ್ಟರೂ software engineer ಆಗಿರುವುದಿಲ್ಲಾ . ಒಂಥರಾ ಸಿಗದ ದ್ರಾಕ್ಷಿ ಹುಳಿಯೆಂಬಂತೆ ಇರುತ್ತದೆ ಅವರ ಮಾತು .ಅದೇ ಅವರ ಮನೆಯಲ್ಲೀ ಯಾರದರೂ software engineer ಆಗಿ ಕೈ ತುಂಬಾ ಸಂಬಳ ತಂದುಕೊಡಲಿ ಆಗ ಇವರ ವರಸೆಯೇ ಬದಲಾಗುತ್ತದೆ.

ಹೀಗೆ ನಮ್ಮ software engineers ನೋವುಗಳು ತುಂಬಾ ಇದೆ. ಇನ್ನೂ ಒಂದಿಷ್ಟು ವಿಷಯಗಳ ಜೊತೆ ಮತ್ತೆ ಬರುತ್ತೀನಿ. ಅಲ್ಲಿಯವರೆಗೂ ಬೈ ಬೈ