ಅವಳು

ನಿನ್ನ ನಗು 

 ಅದೇನೆಲ್ಲಾ  ಇದೆ 

ನಿನ್ನ ನಗುವಲ್ಲಿ ,

ಬಾಳುದ್ದಕ್ಕೂ ಕಾಡುವ 

ಬೆಚ್ಚನೆಯ ಬಿಸಿಯಿದೆ .

ತಿಂಗಳ ಬೆಳದಿಂಗಳ 

ತಂಪಿದೆ .

ನನ್ನ ಸೋಲಿಗೆ 

ಮುಂದೆ ಗೆಲುವಿದೆ 

ಎಂದು ಹೇಳುವ 

ಸ್ಫೂರ್ತಿಯಿದೆ.

ನನ್ನ ಪ್ರತಿ ಗೆಲುವಿಗೆ 

ಪ್ರೋತ್ಸಾಹ ನೀಡುವ 

ಬಹುಮಾನವಿದೆ .

ಈ ಬದುಕೆಂಬ 

ಸಂತೆಯಲ್ಲೂ ನನ್ನನ್ನು 

ಏಕಾಂಗಿಯನ್ನಾಗಿ ಮಾಡಬಲ್ಲ 

ಶಕ್ತಿಯಿದೆ .

ಏಕಾಂತದಲ್ಲೂ  ನನ್ನನ್ನು 

ಬಿಡದೆ ಕಾಡುವ 

ಮಾಯೆಯಿದೆ .

ನಿನ್ನೇ  ತುಂಬಿಕೊಂಡಿರುವ 

ಈ ಹೃದಯದ ಉಸಿರಿದೆ .

ದೂರವಾಗದಿರು 

ನೀ ಮುಡಿದ  ಮಲ್ಲಿಗೆ 

ಇನ್ನೇನು ಬಾಡುವೆ ಎಂದು 

ಮರಗುತಿಹುದು .

ನೀ ಸ್ನಾನ ಮಾಡುವಾಗ 

ತೆಗೆದಿಡುವ 

ಕೈ ಬಲೆ ,

ಕಿವಿಯ ಓಲೆ ,

ಕಾಲ್ಗೆಜ್ಜೆ 

ಆ ಸಮಯ 

ಬರದಿರಲೆಂದು 

ದೇವರ ಬೇಡುತಿಹುವು .

ಗಾಳಿ ಬಂದಾಗ 

ಕ್ಷಣಮಾತ್ರ 

ನಿನ್ನಿಂದ ದೂರವಾಗುವ,

ನಿನ್ನ ಕೆನ್ನೆ ಚುಂಬಿಸುವ 

ಮುಂಗುರುಳು ,

ನಿನ್ನೇ ಬಳಸಿರುವ  

ಸೀರೆಯ ಸೆರಗು ,

ಗಾಳಿಯನ್ನು 

ಶಪಿಸುತಿಹುವು .

ಜೀವವಿಲ್ಲದ ಈ ಜಡ ವಸ್ತುಗಳ

 ಕಥೆಯೇ ಹೀಗಿರುವಾಗ ,

ಜೀವವೇ ನೀನಾಗಿರುವ 

ಈ ಜೀವಿಯ ಜೀವವು 

ಕನಸಿನಲ್ಲೂ ನೀ ದೂರವಾಗದಂತೆ 

ಬಯಸುತಿಹುದು .

ನಿಶೆಯ ನಶೆ 

ನಿಶೆಯ ನಶೆಯು ಎಲ್ಲೆಲೂ 

ಹರಡಿರುವಾಗ ,

ಮಸಿ ಆಕಾಶದ ನಡುವೆಯೂ 

ಶಶಿ  ಮಧುವಿನಂತೆ ಬೆಳಕು 

ಚೆಲ್ಲುತ್ತಿರುವಾಗ ,

ಪ್ರೇಮಾನುಭವದ ಪರಕಾಷ್ಟೆಗೆಂದು 

ಏರು ಬಾ ಪ್ರಿಯೆ ಪಲ್ಲಂಗ.

ರಂಗುರಂಗಿನ ಪ್ರೇಮದ ಗುಂಗಿನಲ್ಲಿ 

ರತಿ ಮನ್ಮಥರನ್ನು ನಾಚಿಸುವಂತೆ 

ತಲುಪೋಣ ಪ್ರೇಮದ ಉತ್ತುಂಗ .

 Some kavanas (short poems in kannada) about my dream girl.